Útilegukortið

Vesturland - Akranes

LoadingAdd

Akranes er tilvalinn áfangastaður ferðamanna enda gefast fólki fjölmörg tilefni til að heimsækja bæinn – allan ársins hring. Á Akranesi er margt skemmtilegt hægt að bralla og óvíða í bæjarfélögum má finna eins margar útivistarperlur og á Akranesi – ýmist innan eða við bæjarmörk. Nægir þar að nefna Akrafjallið sem dæmi en það fallega fjall laðar að sér fjölda fólks á hverjum degi. Gönguferð út með sjó inn að Elínarsæti á sólbjörtu sumarkvöldi er einnig ógleymanleg, ekki síst vegna hins fjölskrúðuga fuglalífs sem þar er og þá er útsýnið á þessum slóðum afar fallegt.

Írar námu land á Akranesi og halda Akurnesingar keltneskri arfleið sinni á lofti m.a. með bæjarhátíðinni Írskum dögum sem eru haldnir í byrjun júlí ár hvert. Akranes er gamalgróið sjávarþorp og hófst útgerð snemma á Akranesi. Á 17. öld myndaðist fyrsti vísir að sjávarþorpi á Skaganum og hefur tengingin við hafið haldist æ síðan. Í gamla bænum er einnig kirkjan á Akranesi sem er frá árinu 1896. Við sunnanverða ströndina eru byggingar Sementsverksmiðjunnar sem var starfandi í rúm 50 ár.

Vitarnir á Breið, njóta gríðarlega vinsælda en þar er hægt er að njóta listviðburða, útsýnis og norðurljósadýrðar þegar veðurfarið býður upp á það á vetrartíma. Þá er vinsælt að leika sér á Langasandi sem er Bláfánavottuð baðströnd með skeljasandsfjöru. Þaðan er stundað sjósund og á sólardögum er ströndin oft þéttsetin fólki. Fleiri afþreyingarsvæði eru á Akranesi, t.d. er hægt að skella sér í sund en í laugum okkar er vatn úr Deildatunguhver. Auðvelt að gera sér glaðan dag í Garðalundi, þar sem m.a. er hægt að grilla, fara í strandblak, frisbígolf, fótbolta og ýmislegt fleira. Við hliðina á Garðalundi er Garðavöllur, sem er glæsilegur 18 holu golfvöllur með æðislegu æfingasvæði.

Á Akranesi er í boði fjölbreytt þjónusta fyrir ferðamenn, verslanir og veitingahús og tíðar og reglulegar ferðir Strætó bs. á milli Akraness og Reykjavíkur gefa möguleika á fjölbreyttum dagsferðum ferðamanna þarna á milli.

Athugið að Útilegukortið gildir ekki á Írskum dögum 29 júní –2. júlí

Helstu upplýsingar

Heimilisfang Kalmansbraut
Póstfang/Bær 300 Akranes
Sími 894 2500
Netfang info@akranes.is
Vefsíða www.visitakranes.is
Opnunartími 5. maí til 1. október

Þjónusta á staðnum

Afþreying á Vesturland

Önnur tjaldsvæði á Vesturlandinu

Eldborg

Laugargerðisskóli
311Borgarnes

Open
20 maí–20 ágúst

Hellissandur

Hellissandur
360 Hellissandi

Open
15. maí–15. september

Laugar

Laugar
371 Búðardalur

Open
2. júní–27. ágúst

Ólafsvík

Ólafsvík
355 Ólafsvík

Open
15. maí – 15. september

Varmaland

Varmaland
311 Borgarnes

Open
1. júní til 31 ágúst.