Tjaldsvæðið á Blönduósi er staðsett í Brautarhvammi sem liggur hægra megin við þjóðveg 1 þegar komið er að Blönduósi frá Reykjavík. Tjaldsvæðið liggur skammt frá stórlaxaánni Blöndu og eru fallegar gönguleiðir meðfram ánni. Hægt er að ganga upp með ánni og yfir göngubrú útí litla eyju sem Hrútey. Á Hrútey er fallegur gróður og fjölskrúðugt fuglalíf.  Einnig er hægt að ganga eftir göngustígum með Blöndu til sjávar og sjá ós Blöndu þar sem hún rennur til sjávar og bærinn dregur nafn sitt af. 





Tjaldsvæðið er skjólgott og gróið og er um 15 ára gamalt.Hefur það notið sívaxandi vinsælda á undanförnum árum.  Á tjaldsvæðinu er gott þjónustuhús þar sem eru kynjaskipt klósett og sturtur. Einnig er aðstaða til að skipta á ungabörnum og hægt er að þvo þvott og þurrka. 


Upplýsingamiðstöð ferðamála er staðsett á tjaldsvæðinu þannig að ferðalangar geta nálgast allar helstu upplýsingar þar. Hægt er að leigja smáhýsi á tjaldsvæðinu.  Stutt er í hestaleigu og alla helstu þjónustu einsog verslun, sund og veitingastaði í Blönduós. 

Heimilisfang: Glaðheimar Brautarhvammi

Húsbíla

Þjónusta á svæðinu