Hlíð ferðaþjónusta í Reykjahlíð stendur vid norðanvert Mývatn sem er ein mesta náttúruperla Íslands. Umhverfið í kringum Mývatn er einnig stórkostlegt. Sem dæmi um nátturuperlur má nefna Hveri, Hverfjall, Dimmuborgir, Kröflu, Leirhnjúk, Grjótagjá, Höfða, Skutustadagíga og Laxá

Fuglalífið í Mývatnssveit er med afbrigðum mikið og veiði er góð í Laxánni.

Í afgreiðslunni hjá Hlíð ferðaþjónustu er hægt ad nálgast göngu- og hjólaleiðakort um nágrennið og þar er hægt að leigja hjól. Einnig er hestaleiga á staðnum. Góð 12 km gönguleið liggur beint frá tjaldsvæðinu og upp í Kröflu. Frábær 37 km hjólaleið er í kringum vatnið og margt að sjá á leiðinni. Skemmtilegt er t.d.  ad stoppa og skoða Hverfjall og Dimmuborgir. Góð hugmynd er svo að enda hjólatúrinn i jarðböðunum sem eru staðsett 7 km frá ferðaþjonustunni.

Mjög góð aðstaða er fyrir tjöld og tjaldvagna og hægt er að komast í rafmagn. Þvottahús er á staðnum og hægt er að láta þvo og þurrka fyrir sig.

Ferðaþjónustan er staðsett 1 km frá vatnsbakkanum sem þýðir að mun minna er um flugu þar heldur en nær vatninu.

Á svæðinu er lítil búð þar sem hægt er að fá mjólk og mjólkurvörur, allt til morgunnverðar, ís, gos og sælgæti. 2 km eru svo í næstu búð og bensínstöð. 4 km eru í sundlaug og 9 holu golfvöll.

Handhafar Útilegukortsins eru beðnir um að skrá sig inn á svæðið í móttökunni þegar þeir mæta á svæðið.

Heimilisfang: Hraunbrún

Póstnúmer: 660 Mývatn

Sími / GSM: 464-4103/899-6203

Netfang: This e-mail address is being protected from spambots. You need JavaScript enabled to view it

Fjarlægð frá Reykjavík/Seyðisfirði: 500 km/192 km

Opnunartími: 1. júní til 10. september

Aðstaða fyrir:

Tjöld

Tjaldvagna/fellihýsi/hjólhýsi

Húsbíla