Álfaskeið liggur í fallegum dal í Hrunamannahreppi við sunnanvert Langholtsfjall skammt frá Flúðum. Ungmennafélagið í sveitinni hélt þar reglulegar útisamkomur  frá árinu 1908 í nærri 60 ár og var Álfaskeið því miðstöð útihátíða á Suðurlandi við upphaf síðustu aldar.




Ungmennafélagið  plantaði jafnframt mikið af trjám.  Enda er trjágróður í miklum blóma á Álfaskeiði og fallegt skógarrjóður í kringum tjaldsvæðin.    Góð aðstaða er við Álfaskeið. 

Aðeins eru um 10 kílómetrar í alla frekari þjónustu á Flúðum sundlaug, banka, verslun o.þ.h.  Álfaskeið hefur verið vinsælt tjaldsvæði undanfarin ár enda á ekki að væsa um gesti þar.