Tjaldsvæðið er við Íþróttamiðstöðina í Ólafsfirði og þar er lítil tjörn með miklu fuglalífi og smásílum sem vinsælt er að veiða hjá yngri krökkunum. Einnig er 9 holu golfvöllur aðeins um 2 km frá tjaldsvæðinu og stutt er í veiði, hvort heldur sem er á bryggjuna, eða í silung í Ólafsfjarðarvatni. Seld eru veiðileyfi í Fjarðará sem er inn af vatninu.

Ýmsir viðburðir eru skipulagðir á svæðinu í sumar og þar má nefna:

20. maí 100 ára kaupstaðarafmælishátíð Siglufjarðar
2-3. júní Sjómannadagshátíð
17 júní. Hátíðarhöld í Ólafsfirði.
4.– 8. júlí Þjóðlagahátíð á Siglufirði
4.– 8. júlí Norræna Strandmenningarhátíð á Siglufirði
28. júlí Trilludagar á Siglufirði
10.– 11. ágúst Pæjumót í knattspyrnu
15.– 19. ágúst Berjadagar – klassíska tónlistarhátíðin í Ólafsfirði

Stutt er í gönguferðir fyrir fjallagarpa og kajak og árabátasiglingar á vatninu í kvöldkyrrðinni.
Nánari upplýsingar eru á heimasíðu Fjallabyggðar: www.fjallabyggd.is og www.visittrollaskagi.is